Teu Saeutik Nu Parebut Kauntungan Reujeung Kadudukan
Ku Apih Libra,
Teu karaos ari waktos teu kaciri datangna wanci teu
sakara-kara, Patepang deui sareng sim kuring saaleutan wantara, Anu
ngalangkungan seratan. Sampurasun ka sadayana kanca mitra Warta Nusantara.
Patepang teh alatan senang norojol teh
bawaan ku sono, Tatamba ngalamun nangkeup tuur tamba ngobrol paadu renyom,
jeung tibatan loba pacengkadan, hayu urang tepung paham, kaleresan sim kuring
nu sudi ku harti suda ku pangabisa bahasana oge saaya-aya, pikeun jalma mah di
wajibkeun elmu kudu di tungtut sumawona dunya kedah di siar.
Urang
teangan kamaslahatan bekel di dunya raub di akherat, asa teu alus mun seug urang silih sigeung
silih banting ku aturan anggursi nyiptakeun kumaha carana di alam ieu
pang-pangna di kampung urang sepi maling lowong rampog, atuh pikeun hirup di
alam langgeng lianti pepelakan tea salelebet ning urang hirup. Mun seug urang
tiasa miara letah ulah ngucapkeun lampah salah, tada teuing bagjana di alam
jaga.
Mantakan
dina sajeroning lalampahan ulah rek ka bobodo ka samaran tinggal kedah prak laksanakeun nyungsi diri
miara lampah. Sedengkeun mangsa kiwari mah mun seug urang teu kiat nahan amarah
teu mampu ngabendung hawa nafsu asa balatak kamaksiatan reujeung kamadoratan,
bahasa loba rupana tingkah oge seueur laguna, ngan tinggal urangna tiasa milih
misahkeunnana, ulah cubak-cabak sakira matak bareuh, ulah sok tamarakan
sakirana matak weureu!!!!
Anu
janten guru sing tekun ngajarkeun didikanana, anu janten panegak hukum kudu
lulus bunglus nerapkeunana, anu janten rahayat kedah tiasa ngamangfaatkeun
aturanana, sigana kapendak eta repeh rapih teh, cindeukna mah kedah surti
ngajining diri ngumpana ka papada manusa gesan pieunteungeun pala putra urang
anu masih keneh ngabutuhkeun ajaran atikan didikan.
Ti
sim kuring, piwejang nu kirang senang carios nu matak gondok, hampura sateuacan
pamitan, pamugi teu janten bendu kana manah, ulah janten nyungkelit kana
peujit.
Hapunten anu di suhun ti sakulawargi Warta Nusantara,
haturan wilujeung kantun pateupang deui di bagian anu ka-16. Permios
Tidak ada komentar:
Posting Komentar